Bab Geguritan

 

A.Pangerten geguritan

            Geguritan yaiku salah sawijining karya sastra gagrag anyar kang ora kaiket guru lagu,guru swara,lan guru wilangan. Guritan iku rakitaning ukara kang mentes,ngandhut wirama,dhong-dhinge swara,lan kentheling surasa. Rakitan ukara ing guritan kudune luwih padhet tinimbang rakitan ukara ing gancaran. Kalodhangan kanggo ngolah basa luwih longgar nalika gawe guritan tinimbang nalika gawe gancaran. Mula,tundhone guritan sok,kerep,diarani luwih subyektif. Nanging,teori mangkono iki dudu rega mati. Ana kalane guritan kuwi wujud rakitan ukara kang wantah,enggal bisa ditampa makna kang dikarepake dening penggurite dening sapa wae,senajan ora duwe pengalaman akeh maca guritan.

B.Struktur Batin guritan

    Struktur batin guritan utawa asring sinebut minangka hakikat guritan,nyakup bab-bab:

·         Tema

Tema yaiku salah sawijining pokok perkara kang diandharne pangripta.

·         Rasa

Rasa yaiku sikape pangripta marang underane bab kang dumunung sajroning geguritan.

·         Nada

Nada yaiku sikape pangripta marang pamaos.

·         Amanat

Amanat yaiku pesen utawa pitutur kang diwedharaake dening pangripta lumantar pamaos.

C.Struktur Fisik guritan

       Struktur fisik guritaan terkadhang sinebut uga methode guritan,yaiku sarana-sarana

    kang digunaake dening pangripta kanggo ndungkapake hakikat guritan. Struktur fisik

    guritan nyakup bab-bab kaya ngisor iki:

·         Perwajahan guritan (tipografi)

Tipografi yaiku wujud geguritan kayata kaca (halaman) kang ora dikebeki tembung-tembung wates kiwo tengen,pengaturan gatrane,diwiwiti aksara kapitan lan dipungkasi tanda titik.

·         Diksi

Diksi yaiku pamilihane tembung kang ditindhaake pangripta sajroning geguritan.

·         Imaji

Imaji yaiku tembung utawa dapukane tembung-tembung kan bisa nuduhake pengalaman indrawi kayata pandeleng,pangrungon,lan pangrasa.

Imaji diperang dadi 3 yaiku:

ü  Swara (Auditif)

ü  Pandeleng (Visual)

ü  Raba sentuh (Aktif)

·         Tembung kongkret

Tembung kongkret yaiku tembung kang bisa ditampa dening pancadriya kang bisa nuwuhake imaji.

·         Basa figuratif

Basa figuratif yaiku basa kang mawa tembung entar kang bisa nguripake efek lan konotasi tartamtu.

·         Rima

Rima wujudake purwakanthi (persamaan bunyi) ing geguritan.

D.Titikane geguritan

    Titikane guritan nyakup bab-bab kaya ngisor iki:

Ø  Tembung-tembung endah lan pinilih (nggunaake majas utawa purwakanthi)

Ø  Ukara lan isine menthes

Ø  Bebas

Ø  Pungkasan ora kaiket utawa paugeran

E.Cara kanggo nggampaake nulis geguritan

v  Tentuake luwih disik underane gagasan dening tema kang arep dirembug

v  Yen underane gagasan wes ditentuake banjur dimligiake

v  Tema sing wis dimligiake mau gaweo cengkorongane

v  Saben cengkorongan mau udalen mawa tembung-tembung lan tatanen mawa larik (gatra)

v  Maringi tanda jeda.